Клуч за успешен блог (покрај квалитетна содржина) е степенот до кој истиот е интегриран со социјалните мрежи. Одлуката кои социјални мрежи на каков начин ќе се интегрираат во голема мера зависи која е намената на блогот.
За техничките блогови квалитетот на читателите е многу позначаен од квантитетот, па затоа треба да се стави акцент на интеграција со бизнис ориентирани социјални мрежи (LinkedIn).
За блоговите од забавен или дневно-политички карактер важна е брзината со која ќе се рашират низ социјалните мрежи за генерирање на поголем сообраќај.
Без разлика на намената, читателот треба да има избор за споделување на неговата омилена социјална мрежа, почнувајќи од основните копчиња за споделување па сѐ до социјални додатоци. Статистички гледано најголем сообраќај на македонските блогови се генерира преку споделувања на Фејсбук (ако не ги земеме предвид статиите кои се објавуваат на познатите македонски портали), па затоа е важно вашиот блог да има добра Фејсбук интеграција.
Ќе разгледаме како можеме да го интегрираме нашиот блог со Фејсбук страница и како да го автоматизираме процесот на објавување на блог статии со користење на RSS Graffiti (алтернатива Networked Blogs):
• Најпрво мора да поседуваме Фејсбук страница и секако да бидеме автори на блог
• Ја отвораме RSS Graffiti апликацијата на Фејсбук
• Ја авторизираме апликацијата да го користи нашиот профил
• Дозволуваме апликацијата да го користи нашиот профил дури и кога не сме вклучени
• Дозволуваме апликацијата да објавува содржини на нашата страница
• Откако ќе се префрлиме во апликацијата треба да добиеме статус configured
• Од страничното мени ја избираме страната на која сакаме да ги објавуваме статиите од нашиот блог и даваме дополнителни дозволи за користење на апликацијата
• За страницата да добие статус configured треба да додадеме неколку опции за интеграција на нашиот блог basics јазичето:
• Feed URL – локацијата од каде што апликацијата ќе ги превзема статиите (како да ја дознаете)
• Source Name – име кое ќе биде наведено при секое објавување на статија на Фејсбук страницата, идеално името на вашиот блог (се јавува проблем при форматирање ако името е со кирилични букви)
• Source URL – адресата до вашиот блог
• Со ова сте ја завршиле конфигурацијата на апликацијата и секоја следна статија што ќе ја објавите на вашиот блог ќе биде објавена автоматски и на вашата Фејсбук страница (со одредено задоцнување)
• Ако страницата што ја интегрирате преку RSS Graffiti е (релативно) нова и за разлика од блогот нема објавено многу содржини можете преку filter јазичето да изберете претходна статија со која ќе почнат да се објавуваат сите следни со интервал дефиниран во schedule јазичето.
• RSS Graffiti нуди дополнителни опции за интеграција со Twitter или Bit.ly, како и напредни опции за начинот за преземање и прикажување на статиите објавени на вашиот блог.
• Објавените статии ќе го имаат следниот формат:
Апликацијата можете да ја користите и како персонален RSS читач. Создадете Фејсбук страница и претплатете се на вашите омилени веб страници на сличен начин. Сите статии што ќе ги објавуваат ќе бидат собрани на вашата страница и во зависност од тоа дали е приватна или јавна и на вашиот ѕид.
Имајте предвид дека статиите кои ги објавувате на вашиот блог нема веднаш да се објават и на Фејсбук страницата, туку треба да помине одредено време во зависност од поставените параметри. Ако имате било какви прашања или проблеми слободно пишете во коментарите.
Авторот на статијата е автор на блогот Здраворазумен Хејтеризам, електраш со мерак за нови технологии и професионален борец со мечки. Можете да го следите на Твитер или да ја споделите неговата Фејсбук страница
Се е тоа ОК, пробано, дел и оставено да си работи, но не е тоа тоа. Сепак мора да има човечка рака која ќе прегледа како изгледа текстот, насловот, сликата на самата објава на FB и сл.
Дополнително одлуката во кој дел од денот ќе споделиш знае да влијае на бројот на прикажувања и времетрање на споделувањата. И кога ќе додадеш-одземеш ако не објавуваш по 10 блог-постови на ден, не е зорт сам да си споделиш и да си го персонализираш дополнително споделувањето 🙂